Maltese . Malti

X'inhu AusAlert?

AusAlert huwa sistema nazzjonali ta' twissija li juża l-aktar teknoloġija riċenti biex jintbagħtu messaġġi ta' emerġenza lejn apparat mobbli kompatibbli bħal mowbajls, tablets u smart watches. 

Hu mod mgħaġġel u affidabbli biex jgħinek tkun infurmat u preparat aħjar waqt emerġenzi lokali u nazzjonali bħal:

• nirien
• għargħar
• ċikluni
• tsunamis
• maltempati jew avvenimenti tat-temp severi
• emerġenzi tas-saħħa pubblika
• theddid lis-sigurtà
• inċidenti ta' bijosigurtà.

Jekk inti tgħix l-Awstralja jew qiegħed hawn minn pajjiż ieħor, tista' tirċievi AusAlert jekk hemm xi emerġenza jew diżastru fil-post fejn qiegħed. 

Wieħed jista' jirċievi l-AusAlerts permezz ta' apparat mobbli kompatibbli anke mingħajr SIM card jew eSIM Awstraljana.

Apparat mobbli kompatibbli huma iPhones 11 u għola li għandhom iOS 26.4 jew aktar riċenti, u mowbajls u tablets Android li għandhom Android 12 jew verżjoni aktar riċenti.

Inti tista' tafda f'AusAlert

L-AusAlert ġiet żviluppata mill-Gvern Awstraljan u hija sikura.

L-AusAlert:

• qatt mhu ser isaqsik għad-dettalji personali jew finanzjarji tiegħek
• ma tafx u ma żżommx l-informazzjoni personali tiegħek
• ma tafx u ma żżommx in-numru ta-telefown tiegħek
• ma tittrekkjax il-post fejn qiegħed
• ma tirrikjedix li inti tinkiteb għaliha.

Kif tirċievi AusAlert

Il-messaġġi tal-AusAlert ser jaslulek bl-Ingliż. Jekk qed iżżur l-Awstralja minn pajjiż ieħor, jew jekk l-Ingliż m'huwiex l-ewwel lingwa tiegħek, jista' jkun diffiċli biex taqra u tifhem AusAlert.

Skont l-apparat mobbli li għandek, tkun tista' tittraduċi l-messaġġ tal-AusAlert bil-lingwa tiegħek billi:

1. tagħfas fuq it-twissija
2. tikkopja l-kliem
3. tpoġġieh fuq app jew websajt li jittraduċi awtomatikament fil-lingwa li tagħżel.

L-AusAlerts għandhom informazzjoni importanti dwar emerġenza. 

Ser jinkludu:

• it-tip ta' emerġenza
• fejn qiegħda
• kemm hi serja
• x'rispons hemm bżonn
• fejn tista' tinstab aktar informazzjoni.

Jekk tirċievi AusAlert, għandek taqra u issegwi l-istruzzjonijiet biex iżżomm lilek innifsek u lil ħaddieħor sikur. 

Hemm żewġ tipi ta' AusAlerts.

Twissijiet kritiċi:

• huma użati f'emerġenzi l-aktar estremi

• jikkawżaw l-apparat mobbli tiegħek biex jivvibra u jdoqq ħoss qawwi qiesu ta' sirena għal madwar 10 sekondi

• jiġu mwassla anke jekk l-apparat tiegħek qiegħed 'silent' jew fuq 'do not disturb'

• ma jistgħux jiġu mitfija fis-settings tal-apparat mobbli tiegħek.   

Twissijiet ta' prijorità:

• huma użati għal emerġenzi fejn hemm livell ta' theddida li qed jiżdied għax qed jinbidlu l-kundizzjonijiet

• jistgħu jikkawżaw l-apparat mobbli tiegħek biex jivvibra u jdoqq ħoss qawwi qiesu ta' sirena għal madwar 10 sekondi, imma dan jiddependi mis-settings tal-apparat tiegħek

• ma jitwasslux jekk l-apparat tiegħek ikun 'silent' jew fuq 'do not disturb' 

• jistgħu jiġu mitfija fis-settings tal-apparat mobbli tiegħek.

Waqt li qed issuq

Jekk tirċievi AusAlert waqt li tkun qed issuq, ibqa’ kalm u taqbadx il-mowbajl tiegħek, għax huwa illegali li tagħmel dan. Il-ħoss tat-twissija għandu jieqaf wara madwar 10 sekondi. Meta tkun tista’, sib post sigur u legali biex tieqaf u taqra l-messaġġ.

Għajnuna biex taqra AusAlert

Jekk għandek bżonn għajnuna biex tifhem messaġġ ta’ AusAlert:

• staqsi lil membru tal-familja, lil xi ħabib jew lil xi ħadd li jifhem bl-Ingliż biex jaqrahulek

• iċċekkja kanali oħra ta’ komunikazzjoni ta’ emerġenza, bħal televiżjoni jew radju lokali jew nazzjonali, apps jew websajts

• żur ausalert.gov.au/current-alerts biex issib it-twissija u tittraduċiha fil-lingwa li tippreferi billi tuża app jew websajt. 

Jekk għandek bżonn ta' aktar għajnuna f’lingwa oħra minbarra l-Ingliż, ir-riżorsi f’din il-paġna u fis-sezzjoni tal-Lingwi tal-websajt jistgħu jgħinuk.

Ipprepara għall‑AusAlert

Matul Ġunju u Lulju 2026, l-AusAlert qed jiġi ttestjat madwar l-Awstralja.

Dan ifisser li inti jew xi ħadd li taf jista’ jirċievi test tal-AusAlert.

Biex tkun tista’ tara eżatt x’tgħid twissija f'test tal-AusAlert bil‑MALTI, ittraduċejniha għalik hawn.

Waqt it-testijiet tal-AusAlert:

• jista’ jidher messaġġ fuq l-iskrin tiegħek

• l-apparat tiegħek jista’ jivvibra

• tista’ tisma’ ħoss qawwi ta’ twissija għal madwar 10 sekondi

• m’għandek bżonn tagħmel xejn.

Test nazzjonali

Ser isir test nazzjonali tal-AusAlert nhar it-Tnejn 27 ta' Lulju 2026. Waqt it-test, kull apparat mobbli kompatibbli fl-Awstralja se jirċievi twissija fl-istess ħin. 

Tħejjija għat-test

Jekk li tirċievi messaġġ tat-test AusAlert jista’ jfixlek jew jikkawża li inti jew xi ħadd għażiż tħossukom mhux siguri, jekk jogħġbok itfi l-apparati mobbli tiegħek jew aqlibhom fil-modalità tal-ajruplan qabel il-ħin tat-test fil-lokalità tiegħek, u ħallihom mitfija għal mill-inqas siegħa.